Ресей Федерациясының Самара қаласында "Самарский космический полумарафон" атты желаяқтар жарысы өтті.
14 ел, солтүстік көршіміздің 230 қаласы мен РФ-ның құрамына кіретін 73 ел спортшысы қатысқан додада оралдық Руслан Әбішев екі медаль жеңіп алды.
Алдымен 5 шақырымдық жарыста сынға түскен Руслан екінші орыннан көрінді.
Одан соң "Самарская миля" аталатын ұшқырлар додасына шыққан оралдық желаяқ алдына жан салмай, алтын жүлде еншіледі.
- Әр жеңіс шелектеп төккен маңдай тер мен көп еңбектің жемісі. Жеңісімді қазақ еліне арнаймын. Алда өтетін басқа додаларда да намысты қолдан берпеуге тырысамын,-деді Руслан.
Түгелбай Бисен,
zhaikpress.kz
