Мемлекет Басшысы Қасым-Жомарт Тоқаевтың 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына Жолдауы шеңберінде, цифрлық даму, инновациялар және аэроғарыш өнеркәсібі министрлігі «AMANAT» партиясы және «Азаматтарға арналған үкімет» мемлекеттік корпорациясы» КЕАҚ-мен бірлесіп, отбасы, әйелдер мен балалардың құқықтарын қорғау мәселелері бойынша «111» Байланыс орталығын ұйымдастырды.
Фото: zhaikpress.kz
«111» байланыс орталығының операторлары отбасыларға өмірлік қиын жағдайда, тәулік бойы, үзіліссіз, демалыс және мереке күндерінсіз көмек көрсету үшін жедел топтармен тікелей тегін байланыста болады.
«111» байланыс орталығы азаматтарға отбасы, әйелдер мен балалардың құқықтарын қорғау мәселелері бойынша ақпараттық-анықтамалық кеңес, психологиялық көмек көрсетеді, сондай-ақ келіп түскен өтініштер бойынша орталық мемлекеттік органдарды, жергілікті атқарушы органдарды хабардар етеді және азаматтарға өтініштердің орындалу деңгейі туралы ақпарат береді.
