«AMANAT» партиясының БҚО филиялы жанынан ашылған әйелдер қанаты әйелдерге психологиялық, заңгерлік, материалдық көмек көрсетеді. 2024 жылы партияға 4538 әйел көмек сұрап барған. Бұл туарлы «AMANAT» БҚО филиялы жанындағы әйелдер қанатының жетекшісі Гаухар Шайхиниязова айтты.
Гаухар Шайхиниязованың сөзінше партияға көмек сұрап келетін әйелдер саны көп.
-Әйелдер қанатының мақсаты бұл біртұтас қоғам қалыптастыруда әйел азаматшалардың орнын айқындау, отбасы институтын нығайтуға, әйелдердің мүмкіндіктерін кеңейтуге, құқықтарын арттыруға жұмыс жасау.
Біз қоғамдағы барлық әйел азаматшалармен жұмыс жасаймыз. Ол кәсіпкер болсын, ол дәрігер болсын, ол саясаткер болсын, үй шаруасындағы әйелдер де бізбен бірге деп атап өтті «AMANAT» БҚО филиялының жанындағы әйелдер қанатының жетекшісі Гаухар Шайхиниязова.
Партияның әйелдер қанаты 2023 жылы басталған. 10 бағытта жұмыс істейді. Олар: Әйелдердің саяси көшбасшылығын қолдау, тұрмыстық зорлық-зомбылықтың алдын алуға жәрдемдесу, мүмкіндігі шектеулі балалардың әлеуметтенуіне ықпал ету, қоғамның әл-ауқатын қолдау мақсатында психологиялық қызмет институтын дамытуға жәрдемдесу, еңбекті қорғау және жұмыстағы әйелдердің қауіпсіздігі, ауылдық жерлерде әйелдер бизнесін дамытуға жәрдемдесу, әйелдер денсаулығы мен отбасылық құндылықтарды насихаттау, заң жобаларына гендерлік сараптаманы ұйымдастыру, әйелдердің қаржылық сауаттылығын және гендерлік бюджетті қалыптастыруға жәрдемдесу, ғылымдағы әйелдерді қолдау.
- Әйелдердің жасына, ортасына шектеу қойылмайды. Біздің әйелдер қанаты оның Хатшысы мен Тең төрағалары заң шығару органының өкілдері болғандықтан, біздің жұмысымыз барлығына ортақ. Жыл басынан бері «AMANAT» партиясы Батыс Қазақстан облыстық филиалына 4538 әйел азаматша жолығып, оның 61 пайызының мәселесі оң шешімін тапты,- деп атап өтті Гаухар Шайхиниязова.
Жанат Көшкінбай,
