Жер қатынастары саласындағы мемлекеттік қызметтерді цифрландыру мәселелері жөніндегі заңды іске асыру аясында ауыл шаруашылығы министрлігі электрондық жер-кадастрлық карталарды құруға қатысты өзгерістер мен толықтырулар енгізу туралы бұйрықтың жобасын әзірледі.
Министрліктің хабарлауынша, құжаттамада жер-кадастрлық құжаттамаға тиісті өзгерістер енгізілген жағдайда, топологиялық қателері бар жер-кадастрлық құжаттаманың негізінде ЖМБМК АЖ дерекқорына енгізілген координаттарға жер учаскелері шекараларының орналасқан жері сәйкес келмеген жағдайда түзетуге болады.
Топологиялық қателерді жою мүмкін болмаған кезде қиылысатын жер учаскелерінің шекаралары бойынша дауды шешу заңнамалық тәртіппен қаралады.
Бұйрық жобасымен толығырақ Ашық НҚА порталында танысуға болады.
