24 ақпанда сағат 12:00-де ҚР Мәдениет және спорт министрлігінің бастамасымен және тікелей қатысуымен Астана қаласында Ұлы қолбасшы Бейбарыс сұлтан атындағы көшенің салтанатты ашылуы рәсімі өтеді, деп хабарлайды ҚР Мәдениет және спорт министрлігі.
Фото: www.gov.kz
Шара «Көктал» саябағының жанында, Бейбарыс сұлтанның есімімен аталатын бұрынғы 189-шы көшеде өтеді.
Ал сағат 14:00-де Л.Н.Гумилев атындағы ЕҰУ-да «Бейбарыс сұлтан және оның түркі тарихындағы орны» атты халықаралық ғылыми-практикалық конференция өтеді.
Оған белгілі қоғам және мемлекет қайраткерлері, дипломатиялық миссиялар мен шығармашылық зиялы қауым өкілдері, қазақстандық және шетелдік ғалымдар қатысады.
