Бүгін, 2025 жылдың 23 ақпанында Астанадан Ақтауға ұшып шыққан ұшақтың жоғарғы жүк сөресінде жолаушы сөмкесі өртенді. Салдарынан FS 7375 рейсі әуежайға кері оралды, деп хабарлайды Zakon.kz.
Сурет: pixabay
Бұл туралы FlyArystan әуе компаниясының баспасөз қызметі хабарлады.
"Өрт әуе компанияның бортсеріктері тарапынан жедел сөндірілді. Бортта 182 жолаушы болды. Әуе кемесі ұшу пунктіне оралып, қону штаттық режимде жүзеге асырылды. Оқиғаның барлық мән-жайы анықталғаннан кейін қосымша ақпарат беріледі. Рейстің ұшу мерзімі Астана уақыты бойынша 17:10-ға ауыстырылды", делінген компания хабарламасында.
Барлық жолаушыларға билеттерін тегін қайта брондау немесе ақшасын қайтару мүмкіндігі қолжетімді екені де нақтыланады.
