Жарық дүниеге 1955 жылғы наурыз айының жиырма төртінші жаңасында көрінген Мағрипа Жұмағалиеваның кіндік қаны Орынбор облысының Первомай ауданында тамған. Ата-тегі Кіші жүздің құрамындағы Тана руының Байқара тармағынан тарайтын біздің бүгінгі кейіпкеріміз 1972-1975 жылдар аралығында Орал қаласындағы медициналық училищеде оқып, медбике мамандығын алып шығады. Сосын өзі өмір есігін ашқан Первомай ауданының орталық ауруханасында мамандығына сәйкес еңбек жолын бастайды. Араға екі жыл салып, студенттік жылдары өткен Оралға оралған ол қалалық "Жедел жәрдем" стансасына фельдшер болып орналасады.
М.Жұмағалиева 1984 жылдың соңына таман Орал қалалық әскери комиссариаты Ауғанстан Демократиялық Республикасындағы Кеңестік Социалистік Республикалар Одағының (КСРО) сарбаз-сардарларына медициналық қызмет көрсету үшін еріктілерді жинап жатқандығы жөнінде әріптестерінен естиді. "Өзімді қиын жағдайда бір сынап көрейін" деген ойдың жетегімен ол 1985 жылдың қаңтар айында Орал қалалық әскери комиссариатына аяқтай барып жолығады. Медкомиссия мен арнайы тексерістерден сүрінбей өткен Мағрипа Ызғалиқызы 1985 жылғы маусым айының басында Ташкент арқылы қиян-кескі соғыс жүріп жатқан Ауғанстанға аттанады.
Мақаланың толық нұсқасын "Орал өңірі" газетінің №18 санынан оқи аласыздар.
Бауыржан Салықұлы,
zhaikpress.kz
