Шешуші матчта Анна мен Беатрис үш сеттегі айқастан кейін әлемнің үздік әйелдер жұбы - чехиялық Барбора Крейчикова мен Катерина Синяковаға жол берді.
Алғашқы ракеткалар AusOpen-2022 жұптық сынының бірінші партиясында ұпай жоғалтты - 6:7, содан кейін қалған екеуінде бағы жанды - 6:4, 6: 4. Осылайша Токио-2020 Олимпиада чемпиондары Крейчикова және Синякова Үлкен Дулыға турниріндегі жұптық жарыста төртінші олжаны еншіледі.
29 қаңтарда жекелеген ақтық сында жергілікті теннисші және әлемдік рейтингтің бірінші нөмірлі спортшысы Эшли Барти америкалық Даниэла Коллинзді жеңіп кетті - 6:3, 7:6.
Ал бүгін, 30 қаңтарда, сағат 14:30-да (Нұрсұлтан уақыты бойынша) ерлердің ақтық сыны басталады, онда Рафаэль Надаль мен Даниил Медведев кездесетін болады.
