Бүгін Оралдағы «Өрлеу» филиалында республикалық «Педагогикалық идеялар панорамасы - 2023» байқауының облыстық кезеңі жеңімпаздарын марапаттау рәсімі өтті.
Бұл байқау «Өрлеу» біліктілікті арттыру Ұлттық орталығының ұйымдастыруымен төртінші рет өткізілді.
Байқаудың облыстық кезеңіне 541 педагог қатысып, бақ сынады. Қорытындысында 12 аталым бойынша 73 педагог жүлделі орынға ие болды.
Салтанатты шараны институт директоры Софья Измуханбетова құттықтау сөзбен ашып, республикалық кезеңге жолдама алған педагогтерге сәттілік тіледі.
Салтанатты шара аясында жүлдегер-педагогтерге І, ІІ, ІІІ дәрежелі дипломдар табыс етілді.
Шараға облыстық білім беруді дамыту орталығы тұлғаны әлеуметтендіру және тәрбие жұмысы орталығы бөлімінің басшысы Гүлзина Серікқалиева қатысып, құттықтау сөз сөйледі.
Сондай-ақ байқауға облыстық және қалалық білім және ғылым қызметкерлерінің кәсіподағы жеңімпаздарды естелік сыйлықтармен марапаттауға қолдау көрсетті.
Байқаудың облыстық кезеңінен үздік деп танылған 12 педагогтің жұмысы республикалық кезеңге қатысуға жолдама алды.
Толқын Габдушева,
«Өрлеу» БАҰО» «БҚО КДИ», PR, SMM маманы
