Батыс Қазақстан облысындағы Бәйтерек ауданындағы Трекино ауылы Байқоңыс болып өзгертілуі мүмкін. «Ашық НҚА» порталында осы мәселеге қатысты қаулы шықты.
«Қазақстан Республикасының әкімшілік-аумақтық құрылысы туралы» Қазақстан Республикасының Заңының 11 – бабының 4) тармақшасына сәйкес, облыстық ономастика комиссиясының 2023 жылғы 13 шілдедегі қорытындысы негізінде, халықтың пікірі ескеріле отырып, Батыс Қазақстан облысының әкімдігі ҚАУЛЫ ЕТЕДІ және Батыс Қазақстан облыстық мәслихаты ШЕШТІ:
1. Батыс Қазақстан облысы Бәйтерек ауданының Трекин ауылдық округі – Байқоныс ауылдық округіне;
Трекин ауылдық округінің Трекино ауылы – Байқоныс ауылына қайта аталсын.
2.Осы бірлескен қаулы және шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі, - делінген.
Жарияланған Қаулы 10 күнтізбелік күннен кейін күшіне енеді. Жоба 31 шілдеге дейін талқыланады.
zhaikpress.kz
