Қазақстан халқының бірлігі күні Оралда Мемлекет басшысының бастамасымен қолға алынған «Таза Қазақстан» экологиялық акциясы аясында тазалық күні өтті, деп хабарлайды БҚО әкімінің баспасөз қызметі.
Іс-шараға жастар, қоғам өкілдері, мемлекеттік қызметшілер мен аға буын өкілдері белсенді қатысты.
Облыс әкімі Нариман Төреғалиев жастармен бірге ағаш отырғызып, тазалық шарасының маңыздылығына тоқталды.
«Орал қаласының 10-шы шағын ауданында 400 түп ағаш отырғызылды. Жалпы биыл шаһарымызда 2 мыңға жуық ағаш отырғызу жоспарлануда» - деді облыс әкімі Нариман Төреғалиев.
