2007-2008 жылдары туған еліміздің үздік балғын дзюдошылары Түркістан қаласында бас қосып, ел чемпионы атағын сарапқа салып жатыр.
Астана, Алматы, Шымкент қалалары мен 17 облыстан келген 820 татами шеберінің жарысы ақпанның 27-не дейін созылады.
Бүгін 52 келі салмақ дәрежесінде белдескен батысқазақстандық Фатима Сұпығалиева қарсыластарының барлығын жеңіп, ел чемпионы атанды.
Әке жолын жалғап, дзюдо спортын таңдаған Фатима танымал бапкер Алтынбек Сұпығалиевтің қызы екенін еске саламыз
Ел чемпионатында үздік шықандар Азия, әлем біріншіліктерінде ел намысын қорғауға мүмкіндік алады.
Түгелбай Бисен,
zhaikpress.kz
