Ауыр жүк көлігінің жүргізушісі жолда қиын жағдайға тап болды. Полиция қызметкерлері көмекке келмегенде Өзбекстан азаматының жолда қанша тұратыны белгісіз еді.
БҚО Полиция департаменті баспасөз қызметінің мәлімдеуінше, «Мерседес» жүк көлігінің жүргізушісі Орал-Озинки тас жолында рөлді басқара алмай, бордюрге кіріп кетіп, өздігінен шыға алмаған.
Жүргізуші жолда 2 сағат бойы тұрып қалған.
Кейін полиция қызметкерлері келіп, кабель тауып, содан кейін өтіп бара жатқан жүк көлігін тоқтатып, жүргізушінің басқаруындағы көлікті тартып, жолға шығарып алуды өтінді.
Ауыр жүк көлігінің жүргізушісі Өзбекстан азаматы полицейлерге көрсеткен көмегі үшін алғысын білдірді.
