Дәл қазір облыс әкімі Нариман Төреғалиев «Арманда» республикалық бизнес форумын өткізу үшін Батыс Қазақстан облысына іс-сапармен келген медиаменеджер, қоғам қайраткері Арман Дәулетияров және ҚР Еңбек сіңірген спорт шебері Ислам Байрамуковпен кездесті.
Жастарды кәсіпкерлікке баулу, отбасы құндылықтарын дәріптеу, тұлғалық даму мәселелерін қамтитын іс-шараның спикерлері форумның өзектілігі мен маңыздылығына тоқталды.
Форумның бастамашысы әрі ұйымдастырушысы Арман Дәулетияров іс-шараның негізгі мақсаты туралы айтты.
Білім, бизнес форумында тек арман туралы ғана емес мақсат, әрекет, қозғалыс, қуат, еңбек және нәтиже туралы да сөз қозғалмақ.
Сонымен қатар спикерлер өңірдегі қарттар мен балалар үйлерін аралап, студент жастармен, әлеуметтік аз қамтылған отбасылармен кездеседі.
Аймақ басшысы форум ұйымдастырушыларына алғысын жеткізіп, сәттілік тіледі.
Айта өтейік, аталмыш форум бүгін сағат 11:00-де «Атамекен» өнер ордасында өтеді.
Гүлмира Сансызбайқызы,
Фотоға түсірген: Диас Закбаев
zhaikpress.kz
