БҚО-да тұмау және тұмауға ұқсас жіті респираторлы вирустық инфекциялар бойынша жағдай тұрақты.
Сурет: pixabay.com
Осы жылы облыс тұрғындарының жедел респираторлық вирусты инфекциясымен аурушаңдылығы өткен жылдың салыстырмалы кезеңіне қарағанда 32,2% төмендеген.
– Биыл облысқа Ресейде шығарылған «Гриппол+» вакцинасының 68 000 дозасы сатып алынды. Вакцина алты айдан асқан нәрестелерге, дәрігерлерге, жүрек қан-тамыр созылмалы аурулары бар, тыныс жолдары созылмалы аурулары бар науқастарға, балалар үйлеріндегі балалар мен қарттар үйіндегі қарияларға және жүктіліктің екінші, үшінші кезеңіндегі әйелдерге егіліп қамтылды, - дейді БҚО санитариялық-эпидемиологиялық бақылау департаменті басшысының орынбасары Нұрлыбек Мұстаев.
Аурудың өршуі кезеңінде облыс тұрғындары ЖРВИ, тұмауға қарсы спецификалық емес алдын алудың жалпы шаралары туралы ұмытпаулары керек.
