Мемлекет тарапынан азаматтардың құқығы, заңды мүддесінің қорғалуы мен сеніміне ерекше басымдық беріледі.
Бұл ретте Мемлекеттік қызмет істері агенттігінің аумақтық департаменттері көрсетілетін мемлекеттік қызметтердің мәселелері бойынша мемлекеттік органдардың немесе лауазымды тұлғалардың іс-әрекеттеріне және шешімдеріне қатысты жеке және заңды тұлғалардың өтініштерін қарайды.
Мемлекеттік қызмет істері агенттігінің Батыс Қазақстан облысы бойынша департаментінің мәлімдеуінше, осы жылы қызметті алушы азамат Г. жер учаскесіне сәйкестендіру құжатын дайындау және беру кезінде мемлекеттен көрсетілетін қызмет талаптарының бұзылғандығына шағымданған.
Көрсетілетін қызметті беруші – «Азаматтарға арналған үкімет» Мемлекеттік корпорациясының тіркеу және жер кадастры бойынша бөлімдері.
Осы орайда, агенттіктің өңірдегі департаментімен қабылданған шаралар негізінде көрсетілетін қызметті алушыға жер учаскесіне сәйкестендіру құжаты қайта ресімделіп, бұзылған құқықтары қалпына келтірілді.
Кінәлі тұлғалар тәртіптік жауапкершілікке тартылды.
