БҚО-да қоршаған орта жағдайын жақсарту және аумақтарды абаттандыру мақсатында «Таза Қазақстан» республикалық экологиялық акциясы жалғасып жатыр. Бұл туралы БҚО ҚДБ-дан хабарлады.
Суреттер: БҚО ҚДБ
Бүгін шара Орал қаласының Лермонтов көшесіндегі орталық базар маңында өтті. Іс-шараға белсенді қала тұрғындары, жастар және волонтерлер қатысты.
«Таза Қазақстан» экологиялық бастамасы — бұл тек тазарту емес, сонымен қатар сау экологиялық сана қалыптастырудың бір қадамы. Балаларымен бірге өз елінің тазалығына қамқорлық жасайтын ата-аналардың үлгісі болашақтың маңызды құндылықтарын қалыптастырады. Бұл шара – тек көшелерді тазарту емес, сонымен бірге қоршаған ортаны сақтайтын жаңа ұрпақты тәрбиелеу. Абаттандыруға қатысатындар жастарға қоршаған ортаға құрметпен қараудың құндылықтарын береді. Олардың тәжірибесі бізге тазалықтың тек біздің міндетіміз емес, сонымен бірге басқаларға қамқорлық көрсету екенін үйретеді. Бұл — ұрпақ сабақтастығының үлгісі», - деді Батыс Қазақстан облысы «Жасыл Ел» жастар еңбек және құрылыс отрядтары штабының жетекшісі Қасиет Балмолды.
Шара нәтижесінде акцияның ең үздік қатысушылары бағалы сыйлықтармен марапатталды. Бұл – олардың қала тазалығына және тазалықты сақтауына қосқан үлесін мойындау.
Бүгінгі таңда санитарлық жұмыстарға 148 мыңнан астам тұрғын мен төрт мыңнан астам ұйым мен кәсіпорын қатысты. Акция аясында 76 мыңнан астам аулалар тазартылды, оның ішінде 2 508 көпқабатты үйдің аумағы мен 73 мыңнан астам жеке тұрғын үйдің аумағы бар. Сондай-ақ, 231 саябақ пен скверді абаттандыру жұмыстары жүргізіліп, 48 мыңнан астам ағаш көшеттері отырғызылды, 6 мыңнан астам тротуар плиткалары жөнделді. 1 221 әлеуметтік нысан мен 1021 тарихи-мәдени ескерткіштердің аумағы тазартылды.
Экологиялық шараларды өткізу үшін 1 498 техника бірлігі жұмылдырылды, соның арқасында 59 566 тонна қоқыс шығарылды. Сонымен қатар «Ғарыш сапары» акционерлік қоғамымен анықталған 198 заңсыз қоқыс орындарының бүгінгі күні 84-і жойылды, қалған 114 қоқыс орнын жою жұмыстары жалғасып жатыр.
