10 тамыз сағат 19:00-де Қадыр орталығының амфитеатрында «Жайық жастары» фестивалінің салтанатты ашылуы өтеді.
Аталған фестивальге 12 аудан және Орал қаласының командасы қатыспақ.
- Жастар 11-12 тамыз күндері спорт, өнер, білім бағыты бойынша бақ сынап, 13 аталымда үздіктер анықталады. Әр аталым бойынша жүлделі орын алған жастарға қаржылай сыйлық пен статуэтка, медальдар табысталады.
Фестивальдің жалпы жүлде қоры - 2 миллион 300 мың теңге. Жалпы командалық орынға 500, 300, 200 мың және әр аталым бойынша 100 мың теңге беріледі, - деді өңірлік коммуникациялар қызметінің алаңында облыстық жастар ресурстық орталығының басшысы Аңсар Ибраев.
Фестиваль қатысушыларына қойылатын талаптар қандай?
-Фестивальге 14-35 жас аралығындағы БҚО жастары қатыса алады;
-Қатысушы соңғы 6 ай мерзімінде сол команданың жергілікті тұрғыны болуы тиіс. Жергілікті тұрақты мекенжай анықтамасы және жеке куәлік көрсетілуі міндетті;
-Қатысушы команданың жетекшісі жергілікті қалалық немесе аудандық жастармен жұмыс жөніндегі ресурстық орталығының басшылары болуы тиіс және қатысушылардың дәрігердің рұқсатнамасы болуы міндетті;
-Фестиваль 13 номинациядан тұрады:
-Жастар спортта шағын футбол, волейбол, арқан тартыс, қазақ күресі, аударыспақтан жарысады;
-Өнерде эстрадалық ән, ұлттық би, сурет салу, терме, үздік ақын анықталады;
-Білім аталымында ғылыми жоба ұсынады, пікір-сайыс турнирі өтеді, «Үздік мобилограф» анықталады.
12 тамыз сағат 20:00-де Орал қалалық мәдениет және демалыс саябағында фестивальдың жабылуы өтеді.
10 жасқа әрқайсысына 1 миллион теңгеден жастар бастамаларын, олардың бизнес идеяларын қолдауға бағытталған өңірлік «Тәуелсіздік ұрпақтары» гранты беріледі.
zhaikpress.kz
