24-26 тамыз күндері БҚО ТЖД қызметкерлері мен БҚО ПД әкімшілік полиция басқармасы «Газбаллон» республикалық профилактикалық шарасын өткізді.
Полиция департаменті баспасөз қызметінің хабарлауынша, құтқарушылар мен полиция қызметкерлері жабық паркингтерде газ жабдықтары бар машиналардың бар-жоғын тексеріп жатыр. Сонымен қатар тұрғындарға ондай машиналарды тұраққа қоюға тыйым салынатыны жайлы түсіндірілді.
Рейдтер барысында қаланың сауда, ойын-сауық орталықтарының жерасты автотұрақтарында өрт қауіпсіздігі ережесін бұзған екі фактісі анықталған. Оларға қатысты әкімшілік іс қозғалған.
Сонымен қатар рейд барысында автокөлік құралдарына тиісті рұқсатсыз газ-отын жүйесін орнатқан автокөлік иелерін анықталды. Құжаттары жоқ газ баллонды жабдықтары бар 5 автомашина айыппұл тұрағына жөнелтілген.
Құқық бұзушылыққа жол берген көлік иелеріне қатысты БҚО ПД Әкімшілік полиция басқармасы қызметкерлері ҚР ӘҚБтК-нің 590-бабы 7-бөлігі бойынша әкімшілік іс қозғады.
Жұмыс жалғасып жатыр.
zhaikpress.kz
