Оқиға өткен жылы желтоқсан айында болған. Бұл туралы БҚО полиция департаментінің баспасөз қызметі хабарлады.
2022 жылдың 26 желтоқсанында Бөкей ордасы ауданының полиция бөліміне 1980 жылғы Н. есімді азамат хабарласып, жайылымнан бір және үш жастағы 14 жылқысының жолғалып кеткені туралы арыз түсіреді.
Шығын 5 миллион теңгеден астам қаражат деп есептелген.
БҚО ПД Криминалдық полиция және Бөкей ордасы ПБ-ның жедел қызметкерлері қылмыстың бетін ашты.
Күдікті 1989 жылғы Бөкей ордасы ауданының тұрғыны екені анықталды. Ол жылқыларды жайылымнан айдап кеткен.
Жедел-іздестіру іс-шаралары барысында полиция қызметкерлері оның Бәйтерек және Тасқала аудандарының тұрғындарына 10 жылқыны тірілей сатқанын, ал қалған төрт жылқыны сойып, етін Орал қаласына әкеліп сатқанын анықтаған.
Айта кету керек, жылқыларды иесі белгісі арқылы таныған. Ұрланған 10 бас жылқы тәркіленіп, иесіне қайтарылды. Күдікті ұсталып, уақытша ұстау изоляторына қамауға алынды.
ҚР Қылмыстық кодексінің 188-1 бабы (Мал ұрлығы) бойынша сотқа дейінгі тергеу амалдары жүргізіліп жатыр.
zhaikpress.kz
