Денсаулық сақтау министрі Ажар Ғиният Шымкентке сапары кезінде мүмкіндігі шектеулі 23 жастағы Алмас Өткіровті өзінің көмекшісі қызметіне шақырды, - деп хабарлайды Tengrinews.kz тілшісі Otyrar.kz арнасына сілтеме жасап.
Ол бұл қызметте мүгедек адамдардың өмірін жақсартуға және оңалту кезінде қолайлы жағдай жасауға ниет білдіріп отыр. Жаңа көмекшінің басты мақсаты - мүгедектігі бар адамдардың жоғарыға мәселелерін жеткізу.
- Бірінші кезекте "мүгедек" деген сөзбен айналысқым келеді, олай айтуға болмайды. "Мүгедектігі бар адам" немесе "мүмкіндігі шектеулі жан" деу керек. Мүмкіндігі шектеулі әрбір адам кез келген жағдайда өзін жайлы сезінгісі келеді. Өзіміз үшін жайлы орта мен қоғам құрғымыз келеді, - деді Шымкент тұрғыны.
