Өзбекстан астанасы Ташкентте өтіп жатқан дзюдодан әскерилер арасында әлем чемпионатында Ұлттық құрама бірнеше жүлде жеңіп алды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Суреттер: Спортты дамыту дирекциясы
Биыл 29 мемлекеттен 214 спортшы қатысып жатқан жарыстың алғашқы күнінде Қазақстанға 1 алтын, 1 күміс, 2 қола медаль бұйырды.
Әуелі 60 кг салмақта Нұрқанат Серікбаев финалда өзге отандасымыз Шерзод Давлатовты қосымша уақытта жеңіп кетті.
Ал 66 кг дейінгі салмақта Жанарыс Рахметқали қола жүлде жолында Солтүстік Корея өкілі Ри Кум Сонгтан айласын асырды. Сонымен қатар 73 кг дейінгі салмақта Бақытжан Абдурахманов Армения спортшысы Артак Торосяннан басым түсіп, 3-орын алды.
