Қ.Қуанышбаев атындағы Қазақ ұлттық музыка театры директорының м.а. Ербол Хабылбековтің айтуынша, бүгінде балаларға арналған драматургия ақсап тұр, сондықтан балаларға арналған түрлі іс-шаралар мен фестивальдер міндетті түрде жалғасын табады.
Сурет: ОКҚ
«Ұлттық театр мәртебесін алғаннан кейін оған балаларды көптеп баулуды ойластырып жатырмыз. Балалар мен жасөспірімдерге арналған театр студияларын ашу жоспарда бар. Алдағы 2025-26 жылдары міндетті түрде театр студиялары ашылады. Балаларды тек қана актерлік шеберлікке дайындаумен ғана шектелмейді, режиссерлік, сахна тілі, сахна қозғалысы, вокал. Ұжымда халық әртістері, еңбек сіңірген қайраткерлер бар. Солардың білімімен жастарды көркейту мақсатында үлкен жоспарлар жасап жатырмыз. Оны министрлікпен бекітіп, іске асыратын боламыз», - деді спикер ОКҚ алаңында өткен баспасөз конференциясында.
