Биыл Өзбекстан астанасы Ташкент қаласында футзалдан әлем чемпионаты өтеді. Күні кеше әлемдік доданың жеребесі тартылды.
Фото: kff.kz
Кака баптайтын қазақ елінің құрамасы «D» тобына түсті. Біздің жігіттердің топтық кезеңдегі басты қарсыласы Испания құрамасы. Одан бөлек Жаңа Зеландия мен Ливия елінің футзалшыларымен плей-офф кезеңіне берілер жолдаманы сарапқа саламыз.
Қазақстан футзалшылары топтық кезеңдегі алғашқы матчын қыркүйектің 15-і күні Андижан қаласындағы спорт кешенде Испания құрамасына қарсы ойынмен бастайды. Одан соң қыркүйектің 18-і күні дәл сол кешенде Ливия елінің футзалшыларымен күш сынасамыз. Ал топтық кезеңнің шешуші ойынын қыркүйектің 21-і күні Ташкент қаласындағы «Хумо аренада» өткізетін Біржан Оразов пен оның достары Жаңа Зеландия құрамасына қарсы ойнайды.
Түгелбай Бисен,
zhaikpress.kz
