Сіздерді Ұлыстың ұлы күні – әз Наурыз мейрамымен шын жүректен құттықтаймын!
Халқымыздың ұлы мәдениеті, бай салт-дәстүрі көрініс тапқан Наурыз мейрамы біздің жан дүниемізді шуаққа бөлеп, ой-ниетімізді жақсылық пен имандылыққа бағыттайды.
Ақ Жайық өңірін ақ-адал еңбегімен құтты қонысқа айналдырған батысқазақстандықтардың кемел келешек жолындағы бастамалары баянды, еңбектері жемісті бола бергей.
Халқымыздың бірлігін бекемдеп, ырыздығын еселер дәстүрлі мерекеміз баршаның үмітін ақтап, жаңа белестерді бағындыру үшін күш-қуат пен қажымас қайрат әкелсін. Осынау шуақты мейрамда әрбір шаңырақ шаттық пен игілікке толсын. Баршаңызға ырыс-ынтымақ, денсаулық пен бақ-береке тілеймін!
Ұлыс оң болсын, ақ мол болсын!
Құрметпен
Ғали Есқалиев,
Батыс Қазақстан облысының әкімі
