Қыркүйектің 21-і күні сағат 20:00-де Оралдағы ҚР Тұңғыш Президенті алаңында Қала күні мерекесіне орай «Туған қалам – Орал!» гала-концерті өтеді. Мерекелік концертке еліміздің эстрада жұлдыздары қатысады.
Оралда Қала күніне орай 17-23 қыркүйек аралығында мерекелік іс-шаралар жоспарланған. 17 қыркүйекте Орал қаласы әкімінің жүлдесіне арналған волейболдан дәстүрлі «Достық-Дружба» қалааралық турнирі ұйымдастырылса, 20 қыркүйекте «Uralsk green forum» экологиялық форумы, 22-сінде бәйгеден «Жайық жүйрігі – 2024» атты облыстың ашық шемпионаты өтеді.
Сондай-ақ ән кештері, азық-түлік және гүлдер, қолөнер бұйымдары жәрмеңкелерін өткізу көзделіп отыр.
Жоғарыда аталған гала-концертке Балжан Бидаш және Qarakesek, ADAM лақап есімімен танылған өнер жұлдыздары қатысады. Кештің жүргізушілері – өнер жұлдыздары, батысқазақстандық Ғазиз Ерболат пен Ақболат Өтебай.
Гүлсезім Бияшева
zhaikpress.kz
