Осы аптаның жұмасында, яғни 24 желтоқсан күні Қадыр Мырза Әли атындағы облыстық мәдениет және өнер орталығында «Ақ Жайық әдебиеті» деген атаумен Қазақстан Жазушылар одағы БҚО филиалының жылды қорытындылайтын жиыны өтеді.
Ел тәуелсіздігінің 30 жылдығына орайластырылған үшбу шараға ҚР Жазушылар одағы басқармасының төрағасы, Мемлекеттік сыйлықтың лауреаты, Қазақстанның еңбек сіңірген қайраткері Ұлықбек Есдәулет бастаған ұлттық әдебиетіміз бен өнеріміздің біраз танымал тұлғасы қатысады деп күтілуде. Түбі көрінген жылды әдеби тұрғыдан түйіндейтін алқалы жиын сағат 17.00-де басталады.
