Егер адам басқа ЖСН-ға жарна төлесе, дұрыс емес күнді көрсетсе немесе деректерді қате толтырса, ақшаны қайтаруға немесе басқа кезеңдерге қайта бөлуге бола ма? Бұл туралы ӘМСҚ БҚО филиалының инстаграм парақшасында түсіндіріп берді.
Еске саламыз, МӘМС төлемдерін басқа кезеңдерге қайта бөлуге болмайды, бірақ оларды қайтаруға болады.
Ол үшін «Азаматтарға арналған үкімет» мемлекеттік корпорациясы» КЕАҚ-ға өтініш жазып, төлемді растайтын құжаттарды қоса беру қажет.
Өтінішті қарау 15 жұмыс күнінен аспайды.
Ақша төлем жасалған тәсілмен қайтарылады.
Мемлекеттік корпорация мынандай себептер бойынша ақшаны қайтарудан бас тартуы мүмкін:
1️⃣Өтініште банктің деректемелері дұрыс көрсетілмеген жағдайда;
2️⃣Өтініш ҚР ДСМ 2017 жылғы 30 маусымдағы №478 бұйрығына 1-қосымша нысаны бойынша жазылмаған жағдайда;
3️⃣Өтініш қайтарудың дұрыс емес себебін көрсеткен жағдайда;
4️⃣Өтінішке құжаттардың толық емес пакеті қоса берілген жағдайда;
5️⃣Егер ақшаны қайтаруға негіз болмаса;
6️⃣Егер мемлекеттік органдардың ақпараттық жүйелерінен растау болмаса (қайтару тоқтатылған немесе жойылған ЖК-ге ресімделеді, ал АЖ-дан ЖК-нің қолданыста екендігі туралы деректер келеді);
7️⃣Қайтаруды ҚР аумағында уақытша болатын шетелдік азамат (немесе шетелдіктің отбасы мүшесі) рәсімдейді.
@msqory_bqo #мәмсбқо #фсмсзко
