22.01.2024, 11:45
Оқылды: 46

Қазақ есімдерінің семантикасы бар қосымша жасалды

Еуразия ұлттық университетінің IT мамандары қазақ тілінің қолданыс аясын кеңейтіп, тегін цифрлық өнімдер істеп жатыр. «Қызықты ономастика» жаңа мобильді қосымшасы адам есімінің, географиялық нысандардың, жануарлар мен құстардың мағынасы мен шығу тегін білуге мүмкіндік береді.

Бұл туралы ғылым және жоғары білім министрлігінің баспасөз қызметі хабарлады.

семантика

ЕҰУ IT мамандары қазақ тілінде «Қызықты ономастика» мобильді қосымшасын әзірледі. Жаңа цифрлық өнім 800-ден астам жеке атауларды біріктіреді. Олар 100-ден астам семантикалық белгі бойынша топтастырылған. Бұл бағдарламаның басты артықшылығына айналған. Мобильді қосымшаны пайдаланушыларға сәбиіне есім таңдауға немесе өз есімінің мағынасын білу мүмкіндігі де ұсынылған.

«Президент өз сөзінде мемлекеттік тілде цифрлық өнімдерді арттырудың маңыздылығын атап өтті. Біз көпшілік үшін ыңғайлы «Қызықты ономастика» мобильді қосымшасын іске қостық. Барлық атаулар семантикалық қасиеттері бойынша топтастырылған, бұл - біздің жобамыздың бірегейлігі. 1,5 жыл бойы табанды еңбек еттік, көптеген жұмыстар мен материалдар зерттелді. Біздің қосымшамыз әйел мен ер адамдар есімдерінің шығу тілін, этимологиясын білуге мүмкіндік береді. Егер сіздің есіміңіз бірнеше сөзден тұрса, олардың әрқайсысының жеке мағынасын таба аласыз. Сондай-ақ цифрлық платформада алфавит бойынша сұрыптау бар, пайдаланушыларға ыңғайлы болу үшін іздеу тарихы сақталады және сіз таңдаған есімдерді бөлек сақтауға болады», - деп атап өтті жоба жетекшісі, Л.Н. Гумилев атындағы ЕҰУ Цифрлық даму және қашықтықтан оқыту департаментінің директоры Гүлмира Бекманова.

Цифрлық платформада ыңғайлы навигация және жылдам іздеу жүйесі бар. Мобильді қосымша қазір Android платформасында қолжетімді.

Узнайте первым о важных новостях Западного Казахстана на нашей странице
в Instagram и нашем Telegram - канале