Бүгінгі мереке құрметіне Қазақстандық қоғамдық даму институты қазақстандықтар арасында некеге тұрудың негізгі себептерін айқындайтын әлеуметтік зерттеудің нәтижелерін ұсынды.
Қазақстандық қоғамдық даму институтының ресми арнасында: "Алынған деректерге сәйкес, некеге тұрудың маңызды себептерінің ішінде эмоционалдық сипаттағы факторлар басым. Респонденттердің 59,9%-ы отбасы құрудың басты себебі ретінде махаббатты атаған.
Өзге маңызды себептердің қатарында аталғандар:
- көзқарастар мен қызығушылықтар ортақтығы - 17%
- баланың дүниеге келуі - 10,7%
- ата-анадан тәуелсіз болу - 5,5%
Сонымен қатар, зерттеу қазақстандықтар үшін отбасы ең алдымен, бақыт пен махаббат (44,9%) ұғымдарымен байланысты екенін көрсетті. Ал некені азаматтар қарым-қатынастарды ресми рәсімдеу мен отбасы құрумен байланыстырады" деп көрсетілген.
Дереккөз: «Қазақстан отбасылары – 2024», іріктеме - 3000 респондент.
