3 ақпан күні Қазақстанның 12 облысында ауа райына байланысты ескерту жарияланды, деп хабарлайды Kazinform «Қазгидромет» РМҚ-ға сілтеме жасап.
Кәсіпорынның болжамына қарағанда, Қарағанды, Ақтөбе және Ұлытау облыстарында жаяу бұрқасын соғады.
Атырау, Маңғыстау облыстарында көктайғақ болады.
Батыс Қазақстанда – көктайғақ, күндіз елдің солтүстігі мен шығысында жаяу бұрқасын болады.
Түркістан мен Алматы облыстарында тұман түседі.
Ақмола, Павлодар және Солтүстік Қазақстан, Қостанай облыстарында жел күшейеді.
