Фото сайт қорынан
2025 жылы Қазақстанның курорттық аймақтарындағы демалыс орындарында 4,8 млн келушіге қызмет көрсеткен, бұл 2024 жылмен (4,3 млн келуші) салыстырғанда 11,5% көп, деп хабарлайды ҚР СЖРА Ұлттық статистика бюросының телеграмдағы ресми арнасы. Туристердің 17,3% – резидент емес азаматтар.
Ең көп келуші Алматы тау кластерінде тіркелді – 2,9 млн адам. Екінші орында – Щучинск-Бурабай курорт аймағы, мұнда орналастыру орындарында 463,1 мың адам тоқтаған. Үшінші орында – 370,1 мың келушісі бар Маңғыстау курорт аймағы.
Сондай-ақ үздік бестікке екі танымал курорт аймағы кірді – Балқаш туристік аймағы (182,9 мың адам) мен Жетісу облысындағы Алакөл курорт аймағы (149,1 мың адам).
2025 жылғы қаңтар-желтоқсан аралығында курорт аймақтарындағы орналастыру орындары 198,5 млрд теңгеге қызмет көрсеткен.
Жалпы Қазақстанның курорт аймақтарында демалушыларды орналастыратын 1856 орын тіркелген.
Дереккөз: Qazstat
