Кейде киімге тамақтың, темекінің, тердің немесе сырған иісі сіңіп қалады. Оны жай ғана жуу әрдайым көмектесе бермейді. Мұндай жағымсыз иістен арылудың қарапайым әрі тиімді жолдарын ұсынамыз, - деп хабарлайды Massaget.kz тілшісі.
Сурет: Massaget.kz
Сірке суы – иіс жоятын әмбебап құрал. Жуатын суға 1 стакан табиғи сірке суын қосып, киімді сол суға 30-60 минутқа салып қойыңыз. Сірке суы иісті бейтараптандырып, матаны жұмсартады. Кейін әдеттегідей жуу жеткілікті.
Ас содасы – табиғи иіс сіңіргіш. Киімді кір жуғыш машинаға салмас бұрын, оған 2 ас қасық ас содасын сеуіп қойыңыз. Бұл әдіс әсіресе тер иісі мен ескі иістерге жақсы көмектеседі.
Күн сәулесі мен таза ауа. Күн көзінде және жел өтінде киімді бірнеше сағат іліп қою – ең табиғи әрі тегін әдіс. Күннің ультракүлгін сәулесі бактерияларды өлтіріп, иісті жояды.
Мұздатқышқа салу әдісі. Мақта немесе джинсы сияқты маталардағы темекі не қышқыл иіс кетпесе, киімді таза пакетке салып, мұздатқышқа 4-6 сағатқа қойыңыз. Суық иіс молекулаларын бұзып, киімді сергітеді.
Лимон суы. 1 стақан суға 2 ас қасық лимон шырынын қосып, бүріккішке құйыңыз. Киімге жеңіл бүркіп, кейін кептіріңіз. Лимон – табиғи дезодорант әрі хош иіс беруші.
Киімдегі иіс жиі қайталанса, гардеробты жиі желдетіп, иісті маталарды ауа өткізетін жерде сақтау маңызды.
