Биыл елімізде күрделі жағдай қалыптасып, аймақтарда су тасқыны болды. Ұзақ жылдан бері болмаған табиғи апат – су тасқынынан еліміз көп зардап шекті. Алайда БҚО-да 84 елді мекен су тасқынынан аман қалды.
Үкімет қолдауының арқасында бүгінде зардап шеккен 1 103 отбасыға пәтер берілді. 10 мыңға жуық отбасыға 3 миллиард тенге көлемінде бірреттік әлеуметтік көмек көрсетілсе, бүлінген мүлікті өтеу бойынша қорытынды негізінде 4 568 азаматтың мүліктік шығыны өтелді.
Күні кеше ғана 56 отбасыға жаңа пәтер берілсе, бүгін тағы 65 жанұяға үй берілді. Батысқазақстандықтарға жаңа пәтерлердің кілтін облыс әкімі Нариман Төреғалиев табыс етіп, құттықтады.
– Қала бойынша 374 жеке тұрғын үй салып жатырмыз. Бұлар қаламыздың төрт шағынауданынан қарастырылып жатыр. Жалпы алдағы уақытта екі мыңнан астам отбасыны үймен қамтамасыз етуіміз керек, - деді Орал қаласы әкімінің орынбасары Жандос Дүйсенғалиев.
Марзия Зеин,
фотоға түсірген автор
zhaikpress.kz
