Рамазан айында «Дәдем ата - Жұмағазы хазірет» қоры Сырым ауданына қарасты Алғабас және Шолақаңқаты ауылдық округтерінде тұратын 40 отбасына қайырымдылық көмек көрсетті.
Жұмағазы хазірет ұрпағы, киелі мекеннің шырақшысы, қор директоры Ғарифолла Жанбозов наурыздың 17-сі күні Алғабас және Тоғанас ауылдарына арнайы барып, жалпы құны 600 мың теңгеге жуық күнделікті тұтынатын азық-түлік заттарын үлестірді.
Қор парақшасындағы деректерге сүйенсек, Ғарифолла Баймұратұлы мұндай қайырымдылық көмекті жыл сайын бірнеше мәрте атқарып, ел-жұрттың ризашылығына бөленіп жүр.
«Осы азық-түлікті аталған ауылдарға жеткізу үшін белгілі кәсіпкер, облыстық мәслихаттың депутаты Тұрарбек Тілемісев тегін көлік беріп, қолғабыс көрсетті», – дейді Ғарифолла Баймұратұлы.
Әбу Әбдірахман
