Коронавирус инфекциясының пандемиясы басталғалы бері әлемде аталған індеттен 6,2 млн адам қайтыс болды. ҚазАқпарат бұл туралы Қазақстанда коронавирустың таралуына жол бермеу жөніндегі ведомствоаралық комиссияның Telegram-каналына сілтеме жасап хабарлайды.
АҚШ-тың Джонс Хопкинс университетінің мәліметіне сәйкес, пандемия басталғаннан бері әлемде коронавирус инфекциясының тіркелген жағдайларының саны бүгінде 527 339 770 жетті. Қауіпті індеттен 6 283 025 адам қайтыс болды.
Инфекцияның 20 миллионнан астам жағдайы анықталған елдер қатарына АҚШ, Үндістан, Бразилия, Франция, Германия және Ұлыбритания бар.
Коронавирусты жұқтырған және одан көз жұмғандар саны:
АҚШ - 83 706 662 және 1 003 743,
Үндістан - 43 144 820 және 524 525,
Бразилия - 30 851 191 және 666 261,
Франция - 29 605 798 және 149 095,
Германия - 26 198 811 және 138 779,
Ұлыбритания - 22 462 129 және 178 973.
