Таяуда Қадыр Мырза Әлі атындағы мәдениет және өнер орталығында спорт мерекесіне арналған іс-шара оздырылды. «Қазақстандық салалық мәдениет, спорт, туризм және ақпарат қызметкерлерінің кәсіподағы» қоғамдық бірлестігінің БҚО бойынша филиалы және Қадыр орталығының ұйымдастыруымен өткен іс-шарада облыс әкімінің орынбасары Б.Нарымбетов сөз алып, жиналғандарды келе жатқан спорт күнімен құттықтады.
Сондай-ақ облыстық дене шынықтыру және спорт басқармасы басшысының орынбасары Ж.Нығметуллин, «Қазақстандық салалық мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің БҚО бойынша филиалының төрағасы А.Батырханов спортшылардың қоғамдағы орны туралы ой қозғап, облыс мерейін әлі талай асқақтататындарына сенім білдірді. Өңіріміздегі спорт саласының дамуына үлес қосып жүрген бірқатар қызметкерлер «Еңбек даңқы» төсбелгісімен, ҚР Мәдениет және спорт министрлігі Спорт комитетінің және салалық кәсіподақтың Құрмет грамотасымен, алғысхатымен марапатталды. Қадыр Мырза Әлі атындағы мәдениет және өнер орталығының директоры Б.Халиолла облыстық дене шынықтыру және спорт басқармасының басшысы Қ. Есендияров пен бапкер М.Қожахметовке құттықтаухат табыстап, шараны қорытындылады.
Марлен Ғилымхан,
zhaikpress.kz
