Мемлекет халықтың 15 жеңілдік санатына медициналық сақтандыру үшін жарна төлейді. Осылайша, халықтың әлеуметтік жағынан қорғалмаған топтары МӘМС шеңберінде медициналық көмекті тегін ала алады. Егер сіз жеңілдік санатына жататын болсаңыз, бірақ жүйеде сіздің мәртебеңіз «сақтандырылмаған» болса, сіз медициналық ұйымға жүгінгенде немесе өз бетінше уақытша сақтандырылу мәртебесін ала аласыз - деп түсіндірді «Әлеуметтік медициналық сақтандыру қоры» КеАҚ-ның Батыс Қазақстан облысы бойынша филиалының директоры Нұржамал Жұмағұлова.
Науқас медициналық ұйымға жүгінген кезде:
1-қадам: медициналық ұйыммен байланасып және «сақтандырылмаған» мәртебесін анықтау қажет;
2-қадам: медициналық ұйымның қызметкері пациентті растайтын құжатты сканерлейді (суретке түсіреді) және «Qoldau-24/7» мобильді қосымшасы арқылы ӘМСҚ-ға жібереді (қосымшаны App Store және Play Market-тен жүктеуге болады);
3-қадам: ӘМСҚ сақтандыру мәртебесін 1 (бір) айға береді;
*науқасқа сақтандырылған мәртебе берілгені туралы хабардар етіледі;
Медициналық ұйымға бармай-ақ (өз бетінше):
1-қадам: Пациент МӘМС жүйесіндегі мәртебесін «Qoldau-24/7» мобильді қосымшасы арқылы тексеріп, «сақтандырылмаған» мәртебесін анықтау қажет;
2-қадам: Пациент растайтын құжатты сканерлейді (суретке түсіреді) және «Qoldau 24/7» мобильді қосымшасы арқылы ӘМСҚ-ға жібереді (қосымшаны App Store және Play Market-те жүктеуге болады);
3-қадам: ӘМСҚ сақтандыру мәртебесін 1 (бір) айға береді;
*науқасқа сақтандырылған мәртебе берілгені туралы хабардар етіледі;
Бір ай ішінде сақтандырылған азаматтарға МӘМС пакетінің қызметтері қолжетімді болады. Сондай-ақ, бұл мерзім пациентке өзінің жеңілдік мәртебесін қалпына келтіру немесе медициналық сақтандыру бойынша қарыздарын төлеу үшін беріледі.
«Әлеуметтік медициналық сақтандыру қоры» КеАҚ
Батыс Қазақстан облысы бойынша филиалы
