Желіде Отбасы банктің қолдауымен мемлекеттен 116 680 теңге алуға болатыны туралы хабар тарады. Банк өкілдері бұл ақпаратқа қатысты пікір білдірді, - деп хабарлайды Tengrinews.kz тілшісі.
Банк мәліметінше, желіде Отбасы банктің қолдауымен мемлекеттен 116 680 теңге алуға болатыны туралы жалған ақпарат тараған.
"Алаяқтар: 10 жылдан астам еңбек өтілі бар ҚР әр азаматы Отбасы Банкінің қолданыстағы шоттарына еңбек шегерімін ала алады деп мәлімдейді. Алаяқтар сілтеме арқылы өтіп, WhatsApp-қа "сәлем" сөзін жіберуді сұрайды екен. Сіздің қауіпсіздігіңіз үшін, күдікті сілтемелер бойынша өтпеуіңізді, жеке деректеріңізді бөліспеуіңізді және тек Банктің ресми ақпарат көздеріне сенуіңізді сұраймыз", - деді банк өкілдері.
Банк сыбайлас жемқорлық және алаяқтық мәселелері бойынша +7 (727) 330-94-82 телефоны немесе [email protected] электрон поштасы арқылы хабарласуға болатынын атап өтті.
