- АҚШ-тың NASA ғарыш агенттігі 50 жылдық үзілістен кейін Айға ұшу қатысатын төрт ғарышкердің есімін жариялады, деп хабарлайды ҚазАқпарат ВВС-ге сілтеме жасап.
Фото: BBC
Кристина Кох - алғашқы астронавт әйел, ал Виктор Гловер Айға ұшуға қатысқан алғашқы афроамерикалық болмақ. Олардан басқа экипаж құрамында Рид Уайзман мен Джереми Хансен бар. Айға ұшу 2024 жылдың соңы немесе 2025 жылдың басына жоспарланған.
Ұшу бағдарламасында Айға қону қарастырылмаған, бірақ ол келесі экипаждың қонуына жол ашады деп саналады.
Құрамына АҚШ-тың үш азаматы кіретін экипаж Хьюстондегі рәсім кезінде таныстырылып, содан кейін қарқынды жаттығу кезеңі басталады.
NASA американдық қоғамдағы әртүрлі әлеуметтік және этникалық топтардан ғарышқа экипаж мүшелерін апару туралы уәдесін орындауда. Бұған дейін Айға тек ақ нәсілді ер адамдар ұшқан еді.
Экипаж құрамы:
Рид Уайзман (47 жаста): АҚШ Әскери-теңіз күштерінің ұшқышы, NASA астронавтар бөлімін басқарды. Ол 2015 жылы Халықаралық ғарыш станциясына алдыңғы ғарыштық миссияларының бірінде ұшты.
Виктор Гловер (46 жаста): АҚШ Әскери-теңіз күштерінің сынаушы ұшқышы. Ол NASA-ға 2013 жылы қосылып, 2020 жылы алғаш рет ғарышқа ұшқан. Ғарыш станциясында алты ай жұмыс істеген алғашқы афроамерикандық болды.
Кристина Кох (44 жаста): инженер-электрик. Ол әйелдің ғарышта ең ұзақ болуы бойынша рекорд жасады - 328 күн. NASA астронавты Джессика Меирмен бірге ол 2019 жылдың қазан айында алғаш рет әйелдердің ғарышқа ұшуына қатысты.
Джереми Хэнсон (47 жаста): Канада ғарыш агенттігіне келмей тұрып, Канада Корольдік Әуе күштерінде истребитель ұшқышы болған. Бұл - оның ғарышқа алғашқы ұшуы.
«Артемида II» (Artemis ІІ) код атауын алған миссия «Орион» ғарыш кемесі басқарған алғашқы миссиясы.
