«Алтын сапа» ұлттық байқауы бизнесте жүрген кәсіби мамандарды анықтауға арналған жоба. Ол жыл сайын өтіп тұрады. Бүгін аймақ басшысы осы байқауға биыл облыс атынан барған үздіктерді қабылдады.
– Өңірдің дамуы үшін кәсіпкерліктің алға жылжуы аса маңызды. Біздің аймақ ауыл шаруашылығы жолға қойылған өңір. Сіздер секілді кәсіпкерлер осы облыстың экономикасын алға жылжытып, азаматтарды жұмыспен қамтып отырсыздар. Біз кәсіпкерлерге әрқашан да қолдау білдіріп келеміз. Сіздер облыс атын республикаға шығардыңыздар, ендеше еңбектеріңіз жемісті болсын,- деді аймақ басшысы Нариман Төреғалиев.
Кездесуге келген бизнес өкілдері облыс әкіміне алғысын жеткізді.
"Алтын сапа" байқауына қатысқан басқа да кәсіпкерлер облыс әкімінің қолынан алғысхаттар алды.
Жанат Көшкінбай,
zhaikpress.kz
