Үкімет отырысында Премьер-министр Олжас Бектенов Мемлекет басшысының тапсырмасы шеңберінде трансшекаралық хабтарды дамыту жобаларын жүзеге асыруда жүйелі көзқарас маңызды екенін атап өтті.
«Жүйелі қарайтын болсақ, бұл жобалар капитал мен жаңа өндірістерді тарту орталықтарына айналады. Осыған байланысты жұмыс қарқынын күшейтіп, барлық тараптардың өзара іс-қимылын айтарлықтай жақсарту қажет. Сауда министрлігі мүдделі мемлекеттік органдардың жұмысын тиімді үйлестіруі керек», — деп атап өткен Премьер-министр жобалардың жүзеге асуына тұрақты мониторинг жасау қажеттігіне назар аударды.
