Онлайн саудаға тәуелділік қалай қалыптасады? Психиатр түсіндірді

Психиатр, психотерапевт және сот сарапшысы Антон Шестаков маркетплейстерден зат сатып алуға тәуелділік қалай қалыптасатынын түсіндірді. Бұл туралы ол UfaTime.ru басылымына берген сұхбатында айтты, - деп хабарлайды Massaget.kz тілшісі.

online shopping concept, businessman use smartphones and credit cards to purchase products from online stores and shop on the internet, ecommerce store, online business, convenience, competitive price

Сурет: istockphoto.com

Дәрігердің сөзінше, маркетплейске тәуелділік үш негізгі себепке байланысты қалыптасады. Соның біріншісі – мидағы биохимиялық үдерістер.

"Ми сатып алған заттың өзіне емес, оны күтудің әсеріне қуанады. Ең жоғары белсенділік "тапсырыс беру" батырмасын басар алдындағы сәтте байқалады. Ал қорап қолыңызға тиген кезде бұрынғыдай күшті әсер болмайды", – деді Шестаков.

Оның айтуынша, дәл осы себептен адам біртіндеп көбірек тапсырыс бере бастайды.

Тәуелділіктің психологиялық себептері де бар. Шестаковтың сөзінше, көп адам үшін сауда жасау мазасыздықты, зерігуді немесе шаршауды уақытша басудың бір тәсіліне айналады. Алайда бұл сол көңіл күйдің негізгі себебін шешпейді.

Бұған қоса, маркетплейстерге тәуелділік "мен бұған лайықпын", "өзімді қуантуым керек" деген ішкі ұстанымдардан да туындауы мүмкін.

Сонымен қатар, психиатр онлайн сауданы біржақты зиянды әдет деп қарастыру дұрыс емес екенін айтты.

"Пайдасы үш жағдайда сақталады: сатып алу алдын ала жоспарланған болса, шығын көлемі қосымшаға кірмей тұрып белгіленсе және алынған зат кейін шынымен пайдаланылса. Болды", – деді Шестаков.