Бұл туралы Мәншүк Маметова атындағы халықаралық әуежайдың баспасөз қызметі хабарлады.
Орал халықаралық әуежайы жолаушылар мен серіктестерге арналған жаңа ura.aero интернет-сайтын іске қосты.
- Функционалды дизайн жолаушылардың негізгі сұрақтарын шешуге көмектесетін сайттың маңызды бөлімдеріне назар аударады. Басты бетте ең көп сұранысқа ие беттерге қол жетімді. Пайдаланушылар өздеріне қажетті ұшу немесе ұшып келу бағыттарын таңдағаннан кейін бөлім ішіндегі мазмұны қайта ретке келеді. Сондай-ақ сайтта маусымдық кесте бөлімі орналасқан. Онда сіз ұшу бағытын, күнін таңдап, қолайлы рейсті таба аласыз. Әуежай серіктестері үшін ақпарат арнайы бөлімде жинақталған.
Жаңа сайт тез жұмыс істейді. Ол тек компьютерлер мен ноутбуктерден ғана емес, кез келген мобильді құрылғыдан пайдалануға бейімделген, - делінген баспасөз хабарламасында.
Сайт іске қосылғаннан кейін әуежай оны дамытуды жалғастырады. Жаңа бөлімдер дайындалмақ. Атап айтқанда, алғаш рет рейстердің онлайн тақтасы пайда болады.
zhaikpress.kz
