Қалалық Мәдени-ағарту бірлестігіне қарасты «Әйгерім» комьюнити орталығы ашылды. Орталықтың ашылу салтанатына қала әкімінің орынбасары Мирболат Нұржанов қатысты.
«Әйгерім» комьюнити орталығы бұрын балалар аула клубы болып құрылған. Жұмысын 2002 жылы бастапты. Енді заман ағымына сай комьюнити орталық болып ашылып жатыр.
-Жазғы уақытта балалар мен ересектердің уақытын тиімді ұйымдастыру, адамдарға қолайлы жағдай жасау мақсатында біз қалада осындай комьюнити орталықтарын көбейтіп жатырмыз. Бұл орталықтарда балалар үйірмелерге қатысады. Демалыстарын пайдалы өткізеді. Ал ересектер өздеріне жаңа орта тауып, қол өнерімен айналысып әдемі уақыт өткізеді. Бүгінгі орталық осы аудандағы барлық адамға арналған, - деді орталықтың ашылу салтанатында сөз алған қала әкімінің орынбасары Мирболат Нұржанов.
«Әйгерім» комьюнити орталығында 5 үйірме жұмыс істейді. Оның төртеуі балаларға арналса, біреуі ересектерге арналған.
- Орталыққа 67 бала келеді. Енді олар жаз бойына өз уақыттарын осы жерде өткізеді. Балалардан бөлек ересектерге арналған үйірме жұмыс істейді. Жалпы қала бойынша 10 комьюнити орталық бар. Олардың бәрі бүгінде адамдардың игілігі үшін жұмыс істеп тұр, - деді Орал қалалық мәдени-ағарту бірлестігінің директоры Серік Тоқмамбетов.
Бүгінгі орталық Әлия Молдағұлова, 20 мекен жайынан ашылып отыр. Орталықта кітап оқуға, сурет салуға, вокал үйірмесіне қатысуға, тоғызқұмалақ ойынын үйренуге жағдай жасалған.
Жанат Көшкінбай,
zhaikpress.kz
