2022 жылғы 5 қараша күні таңертең Орал қаласының 1949 жылы туған тұрғыны Б. есімді азамат, саңырауқұлақ жинау үшін орманға кетіп, қайта оралмады.
2022 жылғы 6 қараша күні оның туыстары жоғалған адамды іздеуде көмек сұрап Батыс Қазақстан облысының Төтенше жағдайлар департаментіне жүгінді.
Ағымдағы жылдың 6 қарашасынан бастап Орал қаласындағы Перевалочная тоғайы ауданында жоғалған адамды іздестіру-құтқару жұмыстары жүргізілуде. Бүгінгі таңда іздеуге БҚО ТЖД жедел-құтқару жасағы (7 адам, 1 кинологиялық есеп, 1 бірлік техника, 1 жүзу құралы), БҚО Полиция департаменті (45 қызметкер, 2 бірлік техника), еріктілер (3 адам), жергілікті халық (6 адам) жұмылдырылды. Осы уақытқа дейін іздеулер нәтиже бермеді.
Туыстарының айтуынша, жоғалған адам алкогольді ішімдікке салынбаған, есте сақтау қабілетінен айырылмаған. Сонымен қатар, оның жанында өзімен бірге ұялы телефоны болмағаны анықталды.
Іздеу аймағын ұлғайту мақсатында БҚО Төтенше жағдайлар департаменті волонтерлік ұйымдар мен еріктілерді іздеу жұмыстарына қатысуға шақырады. Көмек көрсетуге ниет білдіргендер болса, мына нөмірге хабарласуға болады: 8 777 180 2842 Нұрғалиев Р. К.
Егер де Сізде қандай да бір ақпарат болса, "112" (бірыңғай кезекші-диспетчерлік қызмет), 51-42-22 (БҚО ТЖД кезекші бөлімі) нөмірлері бойынша хабарлауыңыз сұралады.
Осыған байланысты, жазатайым оқиғаларды болдырмау үшін Төтенше жағдайлар департаменті Батыс Қазақстан облысының тұрғындары мен қонақтарын қарапайым қауіпсіздік ережелерін сақтауға шақырады:
- қарттар мен балаларды орманға жалғыз жібермеңіз;
- орманға барған кезде туыстарыңыз бен достарыңызға маршрут пен үйге қайту уақытын айтып кетіңіз;
- ұялы телефонды толықтай қуаттап алыңыз және теңгерімді толтырыңыз, ұялы телефоннан басқа, механикалық сағаттың болғаны жақсы;
- алыстан көзге шалынатын ашық, қанық түсті киімдер киіңіз;
- жол қапшығыңызда барлық қажетті заттар болу керек: ысқырық, сіріңке, компас, азық-түлік, су, алғашқы медициналық көмек қобдишасы, балта, жәндіктерге қарсы құрал, от жағуға арналған құрғақ спирт таблеткалары.
Төтенше жағдайлар департаментінің баспасөз қызметі
