Кеше Орал қаласында орналасқан Қазақстан Республикасының Ұлттық ұланының 5517 әскери бөлімінде Қазақстанның халық әртісі, әйгілі әнші, сахна саңлағы, ұлағатты ұстаз Ғарифолла Құрманғалиевтің 115 жылдығына арналған «Әнін көкке қалықтатқан» атты сазды кеш өтті.
Кеш барысында тума талант, біртуар дарын иесі Ғ.Құрманғалиев туралы бейнеролик көрсетілді.
Сонымен қатар Махамбет Өтемісұлы атындағы Батыс Қазақстан мемлекеттік университетінің дәстүрлі ән бөлімі студентері Мұғалімов Нұрлыбек пен Еролла Майра, Ғарифолла Құрмаңғалиевтің репертуарындағы «Асылжан», «Досыма», «Сүйген жар» әндерін шырқап берді.
Аталмыш іс-шара Жұбан Молдағалиев атындағы облыстық орталық кітапханасының ұйымдастыруындағы «Жез таңдай, күміс көмей ән еркесі» атты кітап көрмесімен өз жалғасын тапты.
ҚР ҰҰ «Батыс» ӨңҚ баспасөз қызметі
