Орал қаласы Назарбаев Зияткерлік мектебінің ұжымы мен ата-аналары тасқын судан зардап шеккен тұрғындарға гуманитарлық көмек берді.
Бұл игі бастамаға мектептегі «SEN» еріктілер тобы бастама білдірген болатын.
Мектеп ұжымы атынан қаламыздың «Орал» спорт клубындағы эвакуациялық пунктіне азық-түліктер, балалар үшін мектепке қажетті оқу-құралдар, бүлдіршіндерге қызықты кітапшалар және ойыншықтар табысталды.
Оған қоса зияткерлеріміз балаларға қызықты тренинг-ойындар өткізіп, уақыттың көңілді өтуіне титтей де атсалысты.
Орал қаласы Назарбаев Зияткерлік
мектебінің баспасөз қызметі
