Бүгін бокстан КСРО спорт шебері Жанболат Тұрсынғалиұлы Қатауовты еске алуға арналған 2010-2011 жылы туған жасөспірімдер арасында Қазақстан Республикасының «Батыс» аймақтық чемпионаты басталады.
17 мен 20 мамыр күндері Жастар және оқушылар сарайыдағы Д.Елеусінов атындағы бокс орталығында Бокстан КСРО спорт шебері Жанболат Тұрсынғалиұлы Қатауовты еске алуға арналған 2010-2011 ж.т. кіші жасөспірімдер арасындағы Республикалық турнирі өтуде.
Аталған жарысқа Ақтөбе облысынан және Батыс Қазақстан облысының аудандарынан 100-ден астам спортшы қатысады.
Қатауов Жанболат Тұрсынғалиұлы Батыс Қазақстан облысы бойынша бокстан тұңғыш КСРО спорт шебері. Қазақ КСР құрамасының мүшесі.
1963 жылы 11 қаңтарда Батыс Қазақстан облысы Қаратөбе ауданы, Қалдығайты ауылы Төлен елді мекенінде дүниеге келген.
1970-1979 жылдары Қаракөл орта мектебінде оқып, аяқтаған.
1980 жылы Алматы қаласына оқуға тапсыруға барып, жолы болмайды. Алматы қаласында жұмыс жасай жүріп, бокс секциясына қатысады.
Сол кездегі бапкері КСРО спорт шебері - Саян Естібаев.
1982-1984 жылы Мәскеу қаласында спорт ротасында әскери борышын өтей жүріп, КСРО Қарулы Күштері арасында өткен жарыстарға қатысып, өз әскери бөлімінің намысын қорғап, КСРО қорғаныс министрінен грамоталар, бағалы сыйлықтармен марапатталады.
Төрт мәрте Кеңес Одағының батыры, маршал Г.К.Жуков атындағы Одақтық турнирде екінші орын алып, КСРО шеберлігіне үміткер атағын қорғайды. Бүкілқазақстандық спартакиаданың қола жүлдегері.
1989 жылы 12 ақпанда Қарағанды қаласында өткен Қазақ КСР чемпионатының күміс жүлдесіне ие болып,"КСРО спорт шебері" атанады.
1986 жылдың желтоқсан айынан бастап 1994 жылдың 22 наурызына дейін Орал қаласындағы "Олимп" бокс мектебінде бапкер, аға бапкер және республикалық деңгейдегі жарыстарда төреші болады.
Шәкірттері ТМД-да және елімізде көптеген жарыста жүлделі орындарға ие болды.
Шәкірті Саттар Сұлтанғалиев - Орал қаласының оқушылар және жастар сарайында Д.Елеусінов бокс орталығында спорт бөлімінің меңгерушісі және Батыс Қазақстан облысының бокстан ересектер арасындағы аға жаттықтырушы.
Жиендері Нұржас пен Темірлан жолын қуып бокс үйірмесіне қатысып жүр.
Жарыс бүгін сағат 14:00-де салтанатты түрде ашылады.
zhaikpress.kz
