Бүгін қайырымдылық айлығы аясында «Батыс Қазақстан облысы мүгедектері ерікті қоғамы» қоғамдық бірлестігінің ұйымдастыруымен мүгедектігі бар адамдар арасындағы ХХVІ облыстық шығармашылық фестивалі көрмесінің ашылу салтанаты өтті.
Ашылу салтанатында Батыс Қазақстан облысының мәдениет, тілдерді дамыту және архив ісі басқармасы басшысының орынбасары Медхат Қамбетов, облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Ділдаш Искакова, «Батыс Қазақстан облысы мүгедектері ерікті қоғамы» қоғамдық бірлестігінің төрағасы Жұмажан Қожжанов сөз сөйлеп, кезекті ХХVІ облыстық фестивалінің ашылуымен құттықтады.
Облыстық фестиваль «Көрме», «Эстрадалық вокал», «Көркемсөз оқу» номинациялары бойынша өтпек.
Айжан Бауыржанқызы
